Форум сайта «Глобус Беларуси»

[Zmicier]

Вёска Лоск, што на Валожыншчыне.

Нядрэннае месца для вандроўкі выходнага дня - шмат цікавостак і побач з Менскам (актуальна ў восеньскі-зімовы перыяд).

http://globustut.by/losk/

Падобна, што калісьці тут быў млын.





Комплекс гаспадарчых драўляных пабудоў, што відавочна адносіліся да сядзібы побач. Паводле "Глобуса" 19 - 1-ая палова 20 ст. Даволі моцныя яшчэ. Уражваюць.







У адным са свіранаў калісьці здымаўся кліп новаспечанага гурта Сярожы Міхалка "Brutto" з аднайменнай назвай, пра што сведчыць пакінутае на другім паверсе графіці.





Кліп можна пабачыць па спасылцы:

https://www.youtube.com/watch?v=s7f5X1KCeTc

[Zmicier]

Сядзібны дом (19 ст. - 1-я пал. 20 ст.). Ці тое, што ад яго засталося. Калісьці тут быў дзіцячы садок.

[Zmicier]

Гарадзішча (замчышча). У 14-17 ст.ст. тут існаваў драўляны замак, умацаваны земляным валам і аточаны вадзяным ровам, абарончымі сценамі з вежамі. У цэнтры было 2 палацы, вядомыя па інвентару 1621 г. У 16 ст. у Лоску існавала друкарня, у якой у 1574 г. вядомы беларускі асветнік Сымон Будны надрукаваў шматлікія свае кнігі. Друкарня працавала да 1592 г. Хутчэй за ўсё менавіта недзе тут яна і размяшчалася. Паводле кнігі "Рэлігія і царква на Беларусі" (2001 г.) Я. Кішка ў 1572 г. выкупіў у братоў Кавячынскіх абсталяванне Нясвіжскай друкарні і размясціў яго ў сваім замку ў Лоску.

[Zmicier]

Закінуты касцёл Сэрца Ісуса. 1919-1924 гг.

[Zmicier]

Плябань побач з касцёлам, 1935 г.













Магіла гаспадара плябані пробашча Нацэвіча побач з касцёлам.

[Zmicier]

Царква св. Георгія, 1856 г.

[Zmicier]

На жаль, побач з царквой не удалося знайсці нямецкія могілкі з 1-й сусветнай вайны. Мабыць, зніклі цалкам...