Форум сайта «Глобус Беларуси»

[alexBel]

Так даўно не падарожнічаў па Беларусі, што стала зусім не ў могуць і задумаў я скатацца ў Белую царкву. Выхадныя выдаліся спякотныя і душныя, машына не выклікала надзейнасці (пярэдняя падвеска зусім пабітая), але нягледзячы на ўсе цяжкасці, я наважыўся.



Пунктам адпраўлення было маё роднае мястэчка Бялынічы, праз Круглае, далей праз Талачын, мясцовымі дарогамі накіраваліся ў вёску Полымя. Навігатар сцвярджаў, што ўвесь шлях пройдзе па асфальце, ну бятонка ад Талачына да Воласава таксама нядрэнна, але далей мяне чакалі 17 кіламетраў грунтавай пральнай дошкі.
У Полымі я адразу трапіў на гаспадарчы падворак сядзібы.


Бровар


Склад


Унутры нават захаваліся старыя перакрыцця.


Спіртасховішча.

Сам сядзібны дом быў пабудаваны прыкладна ў другой пал. XIX – пач. ХХ стагоддзя ў стылі класіцызм.



Сядзіба належала Свяцкім і вядомая тым, што ў ёй з 1903 па 1904 г. працаваў малодшым прыказчыкам Янка Купала.



У савецкі час у будынку размяшчалася механізатарская вучэльня. Зараз ад дома засталіся руіны вежы і частка корпуса.





Дзіўна, як хутка час раз'ядае гэта мінулае, бо яшчэ ў 1980-х гг. будынак выглядаў так:


фотаздымак узяты з radzima.org - http://www.radzima.org/be/object-photo/5180.html

Далей у Чарэю. Ужо па дарозе мы ўбачылі галоўную мэту падарожжа:



У Чарэе знаходзіцца вельмі цікавая, на мой погляд, царква, асвечаная ў гонар Арханёла Міхаіла.
Гістарычныя крыніцы сцвярджаюць, што гэты храм быў пабудаваны па загаду Льва Сапегі ў 1601-1604 гг, як адзін з першых ўніяцкіх.



Будынак вельмі аскетычны, уяўляе сабой прастакутны аб'ём пад двухсхільным дахам з гранёнай апсідай. Фасады раздзеленыя рэдкімі шырокімі лапаткамі.



Вельмі хацелася б убачыць яе знутры, але царква была зачынена.



Цікава паглядзець на яе гістарычныя выявы, але на жаль мною яны, як і фота "знутры", знойдзены не былі.

Пасля была "Белая царква" Спадзяюся, што ўсе фарумчане пра яе чулі і няма сэнсу распісваць, якая яна унікальная...

Калі не - спасылка пад фотаздымкамі, дзе гэта справаздача больш падрабязна, ці самі шукайце інфу...



















http://ales-matsesha.livejournal.com/6794.html