Форум сайта «Глобус Беларуси»

[alexBel]

З чаго пачаць? Пачну з з'яўлення думкі "А Мазыр цікавы горад!", Менавіта тады я пачаў гадаць, як мне трапіць туды. Цягнікі з Магілёва туды не ходзяць, на машыне неяк накладна і дорага, і вось аднойчы, тарашчачыся на мапу, я заўважыў, што на другім беразе Прыпяці, зусім побач, знаходзяцца Калінкавічы ... Яшчэ трохі пашубуршэшы мышкай па кілімку, высвятліў, што дабрацца да патрэбнага горада прасцей простага, бо з Калінкавіч туды ходзяць аўтобусы праз кожныя 15 хвілін. Цягам аднаго тыдня я падабраў вольны час, зверыў прагноз надвор'я, склаў маршрут, вывучыў расклад, набыў квіткі, сабраў сумку і яшчэ крыху проста нічога не рабіў.



У Мазыр я прыбыў каля 09.30 ў першы дзень свайго адпачынку (г.зн. яшчэ да падарожжа ў Нямеччыну, таму пад ўражаннямі ўсё ніяк не мог сесці за гэты рэпартаж). Метэаролагі не падвялі і ўвесь дзень мяне суправаджала яркае вясновае сонца.
Спачатку я накіраваўся да асабняка 1910 года пабудовы, які знаходзіцца недалёка ад цэнтра. Калісьці да рэвалюцыі гэты будынак у эклектычным стылі належаў аднаму багатаму спадару (якому дакладна мне высветліць не атрымалася), але чырвоная рэвалюцыя абвясціла гэты домік маёмасцю народа, а народ у сваю чаргу вырашыў, што тут будзе дзіцячая бальніца. З тых часоў і да 2004 г. так і лячылі тут дзяцей, а потым будынак прызналі непрыдатным, усё і ўсіх вывезлі, і цяпер ён занядбаны.



Яшчэ вывучаючы здымкі мясцовасці са спадарожніка, я зразумеў - тэрыторыя адмежваная, і мабыць, патрапіць туды будзе праблематычна, але ўязная брама была наросхрыст і я пракраўся туды без асаблівых цяжкасцяў.



Натхнёны першымі поспехамі я пайшоў да Міхайлаўскага сабора.



Ён быў пабудаваны ў 1780-х гг. і першапачаткова належаў бернардынам, аднак усё змянілася пасля паўстання 1863 г., калі сабор адабралі ў каталікоў і перадалі праваслаўным.



Недалёка ад сабора знаходзіцца замчышча, на якім у 2005 годзе выбудавалі бутафорскі драўляны замак.



Слова "замак", вядома, не зусім падыходзіць для гэтага драўлянага збудавання, я б назваў гэта месца Музейны комплекс "Мазырскае замчышча".



Так, я згодны, што глядзіцца ён неяк посна, перанасычанаму падарожніку там асабліва няма чаго рабіць, але камусьці магчыма і гэта здасца цікавым.



Акрамя драўляных збудаванняў у комплекс уваходзіць краязнаўчы музей, адтуль у мяне пару здымкаў адмыслова для Глобуса Беларусі:





Падмацаваўшыся ў "Карчме на замчышчы" я бадзёрым крокам накіраваўся на ўсход і ўжо праз 20 хвілін зразумеў, што зрабіў памылку. Усе банкаматы былі далёка ззаду, апошнія наяўныя грошы я аддаў на чай, а адлегласць апынулася большай, чым я меркаваў. На аўтобус ня сесьці, разварочвацца было позна, заставалася ісці наперад.
Сяк-так я дабрыў да кляштара цыстэрцыянаў.



У формах будынка справа слаба ўгадваюцца рысы барочнага касцёла. Велічны культавы помнік XVIII стагоддзя, разам з манастырскімі карпусамі практычна да непазнавальнасці перабудаваны і пераўтвораны ў вытворчы цэх.




Пасля таго, як я ўбачыў, як трапятліва ў Еўропе ставяцца да сваёй спадчыны, мне сорамна за стан нашых помнікаў.

Недалёка адсюль меcціцца другі манастыр цыстэрцыянаў, гэты ўжо жаночы.



Касцёлу св. Міхаіла Арханёла 1750-х гг. пашанцавала больш - у савецкі час у кляштары размяшчаўся дзіцячы дом.



Цудоўна захаваўся як храм, так і манастырскія карпусы.



інтэр'ер



Назад я вяртаўся так жа, як і дабіраўся сюды - пешшу. Па шляху зрабіў некалькі здымкаў Прыпяці:





Самы доўгі аўтамабільны мост у Беларусі.





На процілеглым беразе - Калінкавічы. На адваротнай дарозе я вырашыў трохі пабадзяцца і па ім. Горад зусім малады, бурліва расці і развівацца ён стаў толькі пасля 1916 года, калі ў ім завязаўся чыгуначны транспартны вузел. Нічога незвычайнага ў ім няма і каб хоць неяк захаваць аб ім успамін, я зняў Царкву абраза Казанскай Божай Маці 1990 г.



http://ales-matsesha.livejournal.com/5243.html

[Алемания]

[ChehVlad]

Сітуацыя з цыстэрцыянскім касцёлам у Мазыры характэрная тым, што ў тым жа горадзе існуе яго двайнік, якому ўсёткі пашанцавала застацца дагледжаным касцёлам, а не вытворчым цэхам — ад гэта яшчэ больш крыўдна за меней ўдачлівага субрата.

[RudnikFedor]

Станция Мозырь https://www.youtube.com/watch?v=LHjYme0wEQ8


Улица Ленинская, бывшая ул.Покровская.


Улица Пушкина. Этот дом в моём фильме.
https://www.youtube.com/watch?v=-ebhKH3Dp-g


Ул. Ленинская


Дом Кеневича, бывшая гимназия.

[RudnikFedor]

Театр

Мой фильм про этот дом(бывшая тюрьма)
https://www.youtube.com/watch?v=OW5ni2R00ac


Прогулка по зданию с которого сделан снимок
https://www.youtube.com/watch?v=IEbxeJbF0Xk



Ул. Ленинская


Ул. Пушкина





Пед. университет.