Форум сайта «Глобус Беларуси»

[Лёха]

Вакол Віцебска, падаецца. усё што мог знайсці - знайшоў, таму вырашыў выбрацца ў суседні Сенненскі раён.
УЦвогуле, адзінаю мэтаю вандроўкі ў Багушэўск, апроч неперадаваемай атмасферы пердзяў, быў Трактар Легенда.



Гэта подлінны ХТЗ 1932 г., які з 1936 г. працаваў на багушэўскім дзяржплемрассадніку, падчас вайны эвакуяваны ў Сібір, пасля вайны павяртаўся ў Багушэўскі раён, працаваў да 1951 г., калі быў пазычаны Лёзненскаму раёну, а пасля - у музэй ВДНГ у Менску. У 1977 г. трактар павярталі саўхозу "Багушэўскі", і ўсталяваны ля ўваходу на цэнтральнае сядзібе. Вось такі трактарчык з гісторыяй. Стаіць ён на вул. Калгаснай.
http://orda.of.by/.map/?54.842034,30.201014&m=gm/18,1v/14,e/13,rkka/14

Увогуле гісторыя Багушэўска цесна знітавана з суседняй сядзібай Караліна, якім валодаў памешчык Зьміцер Васільлевіч Багушэўскі. Існуе нават легенда, што сваю назву станцыя і мястэчка атрымалі па яго волі, маўляў, калі будавалася чыгунка, ён падарыў свае землі для яе будаўніцтва, але з умоваю, каб станцыю назвалі у гонар яго жонкі. Так і з'явілася станцыя Багушэўская.

На месцы сядзібы пасля рэвалюцыі размясцілася школа, цяпер - Багушэўская школа-інтэрнат. Калі верыць сайту Сенненскага райвынкакаму, драўляныя будынкі на тэрыторыі школы-інтэрната - парэшткі тое сядзібы. Вось адзін з такіх будынкаў, як па мне, дык хутчэй якая хата для чэлядзі, а не сама сядзіба.


На мапе: http://orda.of.by/.map/?54.858779,30.203487&m=gm/18,1v/14,e/13,rkka/14

Побач яшчэ адзін будынак. На яго месцы на 500-мятроўцы РСЧА пазначана школа. Ды й па архітэктуры школа. Пытанне толлькі ў тым, ці перабудаваны гэта палац, ці збудаваная ў 20-30-я школа.


На мапе: http://orda.of.by/.map/?54.857908,30.202838&m=gm/18,1v/14,e/13,rkka/14

Станцыя Багушэўская была збудавана ў пач. ХХ ст. Вакзал вайну не перажыў, але з тых часоў захавалася станцыйная лядоўня



У 1905 г. на станцыі былі збудаваны склады для паліва і газетаў. На станцыі і цяпер існуе некалькі будынкаў складоў, вось гэты найбольш цікавы. Перон у яго яўна дарэвалюцыйны, з камня мураваны. Верх дакладна пасляваенны, прра што кажа пояс з сілікатнае цэглы. А вось сцены цалкам верагодна могуць быць і даваеннымі.



Да 1960 г. Багушэўск быў раённым цэнтрам, адпаведна, маеў свой Рай



і свайго Леніна (усталяванага ў 1958 г.)



Цяпер у будынку Рая месціцца Багушэўская гарадская раённая бальніца (яшчэ адзін напамін аб былым статусе мястэчка)

Побач месціцца Дом саветаў, збудаваны ў 1970-я



А таксама Багушэўская бібліятэка (і вузел связі ў адным будынку)



Побач з Раем таксама стаіць дом культуры і дом быту. У некалькіх кварталах ад яго месціцца сучасная царква



Багушэўск мае нават гасцініцу! Да яшчэ якую!





Побач з гасцініцай - пажарная частка 1950-х



А таксама ў Багушэўску ёсць БАР!





Ну і крыху драўлянае забудовы мястэчка.





P.S. Да даруюць мне аматары памятак вайны - а іх у Багушэўску ажно 8 штук, выкладваць іх неяк няма настрою.

[tam_erm]