Форум сайта «Глобус Беларуси»

[yauhen.herasimenka]

Паездка па родных месцах. 37,5 км на ровары. Шлях ляжаў з Наваельні ў Дзятлава з асабістай мэтай, але з невялікімі адхіленнямі ў цікавыя месцы, ды зваротна :)

1. Сядзіба Ігната Дамейкі (рысы класіцызму). Знаходзіцца сядзіба ў 1,5 км. да поўначы ад горада Дзятлава, дакладней тое што ад яе засталося. Дата будаўніцтва 1819 г. У некаторых крыніцах гэта сядзіба завецца "Жыбарты", але на даваеннай польскай карце ў гэтым месцы адзначана сядзіба "Жыбартоўшчына". Вёска Жыбарты, што ў 4 км. ад г. Дзятлава, ніякага стаўлення да гэтай сядзібы не мае. У сцяну хаты ўмуравана таблічка з наступным надпісам: "Тут у 1884-1888 гады жыў вядомы ў свеце вучоны, нацыянальны герой Чылі Ігнат Дамейка". Спасылка на глобесе: http://globustut.by/dyatlovo/index.htm#zhibort_mhouse

2. Палац Радзівілаў (позняе барока). Дата будаўніцтва 1751 г. Дзятлаўскі палацавы ансамбль ставіцца да сярэдзіны XVIII ст. Некалі прыналежаў Радзі­ві­лам. Палац уяўляе сабою сіметрычны двухпавярховы аб'ём пад высокім дахам. Не так даўно ў ім месцавалася раённая лякарня, і таму ўнутраная планоўка корпуса зменена. Вонкавая архітэктура - вялікі набор скульптурнага дэкору позняга барока і ракако - захавалася досыць добра. Фасады, прыбраныя плоскімі і прафіляванымі пілястрамі, багата ўпрыгожаны сандрыкамі, гірляндамі, медальёнамі, раслінным арнаментам, геральдычнымі знакамі. Спасылка на глобесе: http://globustut.by/dyatlovo/index.htm#palace

3. Касцёл Ушэсця Дзевы Марыі. З'яўляецца помнікам архітэктуры барока. Пабудаваны ў сярэдзіне XVII ст. Падчас пажару ў 1743 г. касцёл значна папакутаваў і быў затым перабудаваны знадворку і ўсярэдзіне. Цяпер гэта двухвежавае збудаванне з фасадам яруснай пабудовы. Развітыя раскрапоўкі, крывалінейныя карнізы, фігурныя франтоны, скарыстаныя ў дэкоры касцёла, характэрны для позняга барока. Аналагічны характар уласцівы і інтэр'еру, дзе вылучаюцца строем скульптурныя алтары. Спасылка на глобесе: http://globustut.by/dyatlovo/index.htm#kostel

Гэта мая першая публікацыя на гэтым сайце. Даўно хацеў, але ўсё не адахвочваўся падзяліцца здымкамі, а зараз выдаўся час, - напісаў, загрузіў, падаў вашай увазе :)

[ВалероС]

Зачёт :D
Появляется достойная замена!

[Ростислав]

Спасибо.
Велопутешественников все больше и это радует.
Присоединяйтесь к нам:
http://veloby.net/node/10235

[yauhen.herasimenka]

[Алекс Сталь]

ВалероС

Согласен с Вами. Свято место пусто не бывает.

Яўген Герасіменка

Замечательно, что Вы к нам присоединились.
Поздравляю с почином!
� спасибо за фото.
Но было бы неплохо, пару слов о Ваших впечатлениях.

[Tegenaria]

Цўдоўная вандроўка, цiкавыя здымкi, яшчэ б трошачкi асабістых уражанняў i было б зусiм шыкоўна! :)

[yauhen.herasimenka]

Александр Сталь, Tegenaria, хм.. І праўда, штосьці я зусім пазабываў пра ўражанні, што ж, пра дадзеную паездку распавяду ў каментарах (можа і дадам у агульную тэму, калі параіце), а ўжо ў чарговых запісах і сапраўды трэба не забываць пра самае галоўнае. Вось толькі маю я звычку калі пісаць, дык шмат, паспрабую караценька, каб не змарыць :)

Паездка была запланаванай, у адрозненне ад большасці маіх вандраванняў. Насамрэч я ехаў у раённы цэнтр у пашпартных стол па асабістай справе, а так каб дзень не знікаў, то вырашыў наведаць гістарычныя месцы. Дарога на ровары: ехаць было няцяжка, на той момант свяціла сонейка, амаль не было ветра, а такім чынам, адчуванне радасці і палёту, пасля слотнай зімы, у імгненне паднялі настрой! Часта зразаў праз лес, - ужо вельмі не любюю шумныя машыны, што пралятаюць на 0,5 метра ад мяне, а лясныя масівы на рэдкасць маляўнічыя ў нашых краях і вельмі багатыя на птушак, якія так спяваюць, што можна заслухацца і зусім забыцца куды ехаў. :) Так што раю катацца па ўскраінах лясных масіваў, так каб не нарвацца на дзікіх жывёл, або на дзікіх людзей, што гэтак жа можа быць (у мінулым досведзе ёсць выпадкі), а так яшчэ трэба ўлічваць факт надвор'я, калі надвор'е некалькі дзён сухое, то дарожкі будуць абабітыя і ехаць будзе лёгка. Дзятлава: заязджаючы ў горад, сапхнуўся з вузкімі ходнікамі і дастатковай колькасцю людзей на іх, а на дарогах шмат прыпаркаваных аўто, што стварала вызначаныя складанасці з прыярытэтам раз'езду, бо адны кіроўцы трымаюцца правіл, а другія сумлення. Сядзіба Дамейкі: месца знаходзіцца за вычышчальнымі, што аказала магутны ўдар па нюхальнай сістэме :), але дрэвы, якія відавочна ў некалькі разоў старэй мяне, пацешылі, адразу такі дух даўніны, нейкай вечнасці, прычым дрэвы лісцяныя! Сама сядзіба практычна разбурана, ведаючы пра тое, што пасля навукоўца там жылі піянеры, потым там была лякарня ў якой лячылі ад алкагалізму, то не дзіўна, колькі ўсяго вытрывала гэта сядзіба. На дадзеным этапе ўсярэдзіне ўсё разбурана, параскрадана. Знадворку відавочна відаць, што згніў дах, вокны павыбівалі камянямі ці іншымі цвёрдымі прадметамі - ужо вельмі неяк крыўдна за такое варварства. А вось архітэктура адрозная ад штодзённасці, хоць і не так старая, але выклікае натхненне! Таксама цікавыя месцы вакол сядзібы, як я ўжо пісаў - векавыя дрэвы, а яшчэ вакол сядзібы па адзін бок маецца своеасаблівы роў і чамусьці ўспамінаюцца ваенныя гісторыі, магчыма там штосьці і было злучанае з гэтым. Па іншы ж бок, дарога, поле і пні немалога дыяметра, свежыя - ізноў смутак - дрэў было б больш, калі б іх не спілавалі. Што датычна склепа, кажуць там хораша, хоць і смецця хапае - гэта мне сказаў пажылы мужчына ў аднаго з азёр у горадзе, з якім я завязаў гутарку, а ён апынуўся былы працаўнік мясцовага музея, але я спускацца у склеп не адважыўся, бо быў адзін і ніхто не ведаў дзе я, прываліла б бэлькай ці кавалкам бетону і не адразу б знайшлі. У цэлым уражанне пра сядзібу дадатнае, але пра чалавецтва (не абагульняю) побач з месцам - больш негатыўнае.. месца закінулі, раскралі, разбурылі, дрэвы спілавалі. Добра што паспеў паглядзець, пакуль яшчэ хоць штосьці засталося. Палац Раздівілаў: насамрэч што толькі не рабілася ў гэтым палацы пры маёй памяці, а я малады яшчэ :), гэта былі і склады, і лякарня, і частка паліклінікі, і можа яшчэ што ды я не ведаю.. у адрозненне ад сядзібы Дамейкі, у палацы Радзівілаў мне ўжо даводзілася быць, праўда толькі адзін раз і даўно, затое часта быў знадворку, бо будынак знаходзіцца не далёка ад цэнтра горада, у прыватнасці побач прыгожае возера і стратэгічна важная для сучасных жыхароў - лякарня. Дарэчы, вельмі дзіўна бачыць машыны хуткай дапамогі ў будынка палаца даўнасці. Але як бачыце на фота - "хатка" прыгожая, цешыць што яшчэ не разбурана і наколькі відаць, правую сцяну пачалі рэстаўраваць, што падае нейкія надзеі! На возеры ў палаца, я заспеў качак і лебедзяў - хораша! Варта ведаць, што возера там не адно і калі глядзіш на палац з-за азёраў, то ўсплываюць якасныя гістарычныя малюначкі :) Касцёл: цешыць прыгожая архітэктура, асабліва дзве "вежкі" (не моцна разбіраюся ў тэрмінах, а яшчэ яны чамусьці рознага колеру: белая і чорная) якія ўзвышаюцца ў неба і калі блізка падысці да касцёла і глядзець угару, то вельмі нават прыемнае пачуццё "працяглай выразнасці", своеасаблівыя перадумовы да натхнення на далейшыя добрыя справы :) У агульных, рысах усё, не жадаю моцна стамляць тэкстам :)

[Алекс Сталь]

Яўген Герасіменка

Спасибо!

По моим впечатлениям, Дятлово не сильно перегружено транспортом.

[yauhen.herasimenka]

Гэта ж пляц, там па ідэі наогул часта забараняюць рух :) А так той рух не моцны, самыя актыўныя вуліцы гэта: Слонімская (там яшчэ Еўраопт пабудавалі і дабудоўваюць паркоўку, так на краю праезнай часткі, працоўнага транспарту больш чым на стаянцы поруч з аддзяленнем міліцыі і ДАІ), Наваградская, Міцкевіча. Меней насычаныя рухам: Чырвонаармейская, Перамогі (але тут шмат прыпаркаваных машын), Кастрычніцкая, Першамайская. І наогул, нават калі б там быў дзікі рух - гэта не замінае, па Баранавічах ж езджу і норма, але там шмат прасторы і на ходніку, і на праезных частках - я не замінаю нікому, а ў Дзятлаве і там, і там круцілі носам і пырхалі..

[yauhen.herasimenka]

Прачытаў сумную, а можа і не сумную навіну аб тым, што палац Радзівілаў у горадзе Дзятлава прадаюць, у выніку з'ездзіў туды, захаваў вонкава тое што бачна, паглыбіўся ў гісторыю гэтага твора, у цэлым атрымалася арыгінальная падборка інфармацыі і фатаграфій.





Вырашыў сюды шмат фатаграфій і тэксту не грузіць, каму цікава дадзенае месца, то прапаную прайсці па спасылцы на артыкул у маім ЖЧ і пачытаць, упэўнены знойдзецца што-небудзь чаго вы не ведалі, не бачылі ці проста пазабывалі :)
http://yauhenk.livejournal.com/6622.html