Форум сайта «Глобус Беларуси»

[Анатоль]

Чорна-белыя азёры Лунінеччыны
Маршрут: Лунінец –Вулька-1- Палескі – Лунін – Белае Возера – Бастынь – Чорнае Возера – Дзятлавічы – Лунінец.
З Лунінца стартаваў у 11 гадзін. Горад праляцеў, бо нідзе не спыняўся. Хутка закруціў у Вульку-1. У вёсцы шмат буслянак, і ў кожным гняздзе бусліха ўжо наседжвае яйкі. У адным з гнёздаў падгледзеў, як верабейчыкі зрабілі сабе хатку знізу буславага жытла. Атрымаўся такі незвычайны шматпавярховы дом.
Бусліхі не любяць пазіраваць, але адна такі высунула галаву да аб’ектыва.


У вёсцы шмат квітнеючых каштанаў.



Няспешна пераязджаю з адной вёскі ў другую. Па дарозе з правага боку ў Палескім знаходзіцца балотная станцыя


У цэнтры пасёлка знаходзіцца бюст Леніна,


а таксама Палеская вопытная станцыя. Несцярчук сцвярджае, што на месцы станцыі быў маёнтак Друцкіх-Любецкіх



Пошта і Беларусбанк знаходзяцца ў “канструктывісцкім” будынку

Кручу да лазні. На “Глобусе” напісана, што будынак аддалі пад патрэбы пратэстантам. Але ж не. Шкада. Будынак пустуе і развальваецца. Яму ўжо другая сотня гадоў ідзе дакладна. Несцярчук піша, што ён з 1905года, а шыльда гаворыць, што з 1880…



Фота былой лазні

















Мясцовыя бабулькі расказалі, што будынак хацелі ўзяць “баптысты”, але ж ім не далі. Нейкая “кручаная” асоба пажадала адкрыць бар. Таксама не дазволілі, бо побач школа і дзіцячы садок. Таму, маўляў, пустуе будыніна. “Сэрца разрываецца, --кажуць бабулькі.—А чаму ж не даць людзям? Ну хоць бы і “баптыстам”, яны яго глядзелі б”. Нельга не пагадзіцца з жанчынамі.
Асадак ад пабачанай абыякавасці астаўся.
Вёска Лунін узгадваецца ў летапісах з 1432 года, пра што сведчыць мемарыяльная дошка


У вёсцы прыгожая царква Барыса і Глеба 1824 года. Чаму праваслаўныя храмы на Палессі пафарбаваны ў блакітны колер? На думку прыходзіць адзін адказ—багата блакітнай фарбы.




На тэрыторыі царквы захаваны лётчыкі-назіральнікі Першай сусветнай вайны.



Пераехаў трасу М-10, еду да Белага Возера. Стаіць пах квітнеючага рапсу, а поле напоўнена жаўцізною.




Спачатку цудоўны асфальт, таму хуткасць ніжэй за 30 км/г не апускаецца. Праз 4,5 км. Асалода заканчваецца і пачынаецца гравійка, але з буйным гравіем.
Белае Возера






Перайманне Svama


Нешматлікія кампаніі “адпачываюць”: гучыць музыка, п’яныя крыкі, весела ім… А можа так і трэба адпачываць? Аб’ехаў возера, перакусіў каля піянерлагера, пахадзі па вадзе. Пачало пагукоўваць, г.зн. грымець.
Кірую на Бастынь. Пачаўся дождж. Прыгожую дарогу праляцеў на адным дыханні.






Раней для мяне Бастынь асацыіравалася з Бушылам, які хаваўся ў лесе ад прызыву на фронт і толькі ў 80-я выйшаў у “людзі”.
У вёсцы дождж скончыўся. Злевага боку паказаўся пратэстанскі храм


Крыху далей, з правага боку – праваслаўны храм












А лес вывозяць, гэта не першы лесавоз, якога я сустрэў


Як там у М. Танка:
На захад ідуць цягнікі –
Лён,
Жыта,
Сасна і бяроза…

Гляджу і гляджу з-пад рукі,
Як наша юнацтва вывозяць.
Пераехаўшы праз чыгунку ўбачыў помнік ахвярам ВАв




Затым на мясцовых могілках агледзеў склеп-пахаванне Ф. Дваракоўскай








Зноў пачаўся дождж. Ён суправаджаў мяне то мацнейшы, то слабейшы, але да канца падарожжа. Да Чорнага Возера круціў не спыняючыся. А па баках растуць волаты-дубы у некалькі чалавечых абхопаў. Паветра вельмі чыстае, вымытае. Стаіць водар веснавых кветак і разнатраўя. Але стала холадна.
Чорнае Возера






Замачыў ногі, стала зусім не камфортна.
Еду на Дзятлавічы. Зазначыў на прыпынку, што быў тут і хацеў ужо рухаць на Лунінец, але цікавасць перамагла. Паехаў у вёску.




Дзіцячы домік
У вёсцы пабудаваны нядаўна Спаса-Праабражэнская царква. Яна ўражвае сваімі памерамі.






Царква размешчана на высокім беразе Цны


Усё, што хацеў агледзеў, то можна смела круціць у Лунінец. Сеў на цягнік і праз гадзіну быў дома.
Праехаў 84 кіламетры. (10 мая 2014г.)

[GlobusBelarusi]

[Валацуга]

Пакуль што Лунінецкі раён хіт сезона на Глобусе - чацвёртая справаздача за апошнія колькі тыдняў)))

Дзякуй вялікі!!! Адкрыў для сябе яшчэ некалькі цікавых месцаў на адной з трох маіх малых радзімаў. Па магчымасці пры наступным наведванні "клубнічнага парадызу" пастараюся ў іх завітаць.

Уяўляю вочы tam_erm пры праглядзе здымкаў з Палесскага)))

[tam_erm]

[Валацуга]

[tam_erm]

[Валацуга]

Дарэчы, Анатоль, як я зразумеў з папярэдніх Вашых справаздач - гэтых будынкаў лякарні ў Лахве http://globustut.by/lahva/zastr_gallery.htm больш не існуе?

[Валацуга]

[Анатоль]

Прабачце за доўгае маўчанне. Канец навучальнага года--багата работы. Валацуга, так Лахвінскай бальніцы ўжо няма, яна згарэла. Рэшткі разабралі. Цяпер у цэнтры вёскі пустыр. У будыніне на фота №2 і №3 размяшчалася "сельпо"