Форум сайта «Глобус Беларуси»

[В. Сцяпанаў]

10 ліпеня а 17-ай у Музеі Караткевіча -- адкрыццё выставы Міколы Купавы ў Воршы.
"Сьвятло Радзімы" - гэта першая дабрачынная выстава ў горадзе. Мікола Купава паставіў перад сабою мэту дапамагчы ў справе рэстаўрацыі базыльянскага кляштара, помніка архітэктуры, які ўжо каторы год стаіць без даху і разбураецца на нашых вачох.
Кожны наведнік выставы будзе мець магчымасць ахвяраваць сродкі на рэстаўрацыю помніка архітэктуры. Або ахвотныя змогуць набыць упадабаны твор вядомага беларускага мастака, а Мікола Купава, у сваю чаргу, перавядзе грошы на дабрачынны рахунак, адчынены адмыслова дзеля збору грошай на рэстаўрацыю базыльянскага кляштара.
Мікола Купава, якому давялося быць сведкам разбурэння царквы Апекі Маці Божай, што была найпрыгажэйшай часткай кляштарнага комлексу і гарадской архітэктурнай дамінантай, спадзяецца, што аршанцы адгукнуцца на ініцыятыву захаваць хаця б тое, што засталося ад аршанскай архтітэктурнай спадчыны.
З гэтай нагоды мастак склаў свой зварот да землякоў, які можна прачытаць па спасылцы:
http://orshatut.by/2013/07/10-lipenya-vyistava-mikolyi-kupavyi-u-orshyi/