Форум сайта «Глобус Беларуси»

[Зміцер Траскоўскі]

Хачу падзяліцца з Вамі некаторымі аб'ектамі, якія я знайшоў падчас вандроўкі па Нясвіжскім раёне ў верасні 2014 г.
Увагу маю прыцягнулі іконкі "помнік прыроды" на 1-км мапе Нясвіжчыны ля в. Амлынцы ў лесе Вінклераўшчына (гл. ілюстрацыі). Таксама на больш старых мапах (генштаб, польская) на гэтым месцы пазначаны населены пункт Вінклераўшчына. Вядома, што у гэтым месцы размяшчаліся радзівілаўскія паляўнічыя ўгоддзі і леснічоўка. Ды і сам лес Вінклераўшчына - старажытнае паляўнічае ўгоддзе Радзівілаў, што згадваецца ў старых дакументах.
Дарэчы, параўноўваючы старыя і сучасня мапы, высвятляецца цікавыя асаблівасці - дарогі і контуры лесу Вінклераўшчына засталіся без зменаў як меней з 1920-х гадоў.

На жаль, інфармацыя пра гэтыя аб'екты надзвычай бедная.
Адзінае, што мне ўдалося высветліць:
спасылка - http://maxpark.com/user/4295206212/content/2758843
назву аднаго з аб'ектаў - Дуброво-лиственная аллея (гл. фоты).
Больш значнай гістарычнай ці прыродаахоўнай інфармацыі пра гэтыя помнікі пакуль я не адшукаў. Магчыма, што каторы час тут служыў бацька Якуба Коласа, які быў, як вядома, адным з радзівілаўскіх палясоўшчыкаў.

Думаю, што гэтыя мясціны будуць цікавымі аматарам падарожжаў.

Такім чынам, пералік аб'ектаў у лесе Вінклераўшчына:

1. руіны каменных падмуркаў (леснічоўка, гаспадарчыя пабудовы) на месцы населенага пункту Вінклераўшчына (на мапе генштаба і польскай мапе азначаны як збудаванні).

2. ля руін - стары яблыневы сад, пасека, алея з каштанаў і іншых "экзатычных" для звычайнага лесу дрэў - чарэшні, дубы, ясені і іншыя. Месца гэтае парасло кустоўем, маладымі дрэўцамі, але старыя дрэвыы выразна чытаюцца і выдзяляюцца. Асабліва прыгожа тут я думаю вясною, калі каштанавая алея цвіце.

3. дуброва-лістоўнічная (дуб і лістоўніца) алея як частка паркава-лясной зоны. Пачатак алеі паказаны на мапе раёна (гл. фота) ў кружочку.
Гэта адно з самых прыгожых мясцінаў у Беларусі, дзе я быў. Па лесе ідзе троху зарослая дарожка, абапал якой чаргуюцца таўшчэзныя ствалы дубоў і лістоўніц. Але як толькі падымаеш галаву ўгору, вельмі высока, бо дрэвы высачэзныя, бачыш цудоўны малюнак - магутныя галіны дубоў і вытанчаныя лапкі лістоўніц пераплятаюцца, ствараючы карункавую арку над сцежкай на фоне блакітнага неба.

4. лясная дарога ў лесе - прыгожая, месцамі ў прысадах вялізных сосен і дубоў. Асабліва яскрава чытаецца ўязная алея ў лес са старасвецкіх дубоў ля хутароў Прасмыкаўшчына.

Можа хто валодае інфармацыяй аб гісторыі гэтых мясцінаў?

[Зміцер Траскоўскі]

РњРђРџР«:

[Зміцер Траскоўскі]

Аб'екты леснічоўкі
(верасень 2014 г., Зміцер Траскоўскі)

[Зміцер Траскоўскі]

[Зміцер Траскоўскі]

Алея з дубоў і лістоўніц (верасень 2014)

[Зміцер Траскоўскі]

Лес Вінклераўшчына (верасень 2014 г)